ढकमक्क फुलेको सयपत्री र मखमली (तस्वीरहरु)

काभ्रे, ८ कात्तिक । काभ्रेको सुनथान गाउँ व्यावसायिक रूपमा लगाइएका सयपत्री र मखमली फूल ढकमक्क भएको छ ।

काठमाडौं आसपासका किसानहरूले तिहारलाई लक्षित गरी सयपत्री र मखमली लगाएका थिए । फूल फुलेसँगै किसानहरूले बजारसम्म ल्याउन थालेका छन् ।

सयपत्री फूल माला तथा थुंगाको रूपमा बिक्री हुन्छ भने मखमली माला बनाएर बिक्री गर्ने गरिन्छ ।

तिहारमा दिदिबहिनीहरुले दाजुभाईको दीर्घायुको कामना गर्दै गलामा सयपत्री, मखमली र गोदावरी फूलको माला लगाइदिने गर्दछन् ।

तिहारको समयमा उपत्यकालगायत देशभर सयपत्री, गोदावरी र मखमली फूलको खपत बढ्छ ।