हेर्ने कथाका प्रकाशले पाए नागरिकता

दैनिक नेपाल २०८१ भदौ १६ गते १६:०६

भोजपुर, १६ भदौ । प्रकाश तामाङ ‘काले’ ले नागरिकता प्रमाण पत्र पाउनु भएको छ । आइतबार प्रशासनका अधिकारीले प्रकाशलाई उहाँको घर भोजपुर षडानन्द नगरपालिका-१० छाप्लेगाउँ (साम्पाङ) मा पुगेर नागरिकताको प्रमाणपत्र प्रदान गर्नु भएको हो ।

‘हेर्ने कथा’ मार्फत भेटिएका प्रकाशलाई उहाँको बुवा-आमासँग नाता कायम र जन्मदर्ताको कागज बनाएर नागरिकता दिइएको हो ।

षडानन्द नगरपालिका मेयर सुरेन्द्र उदास, वडा अध्यक्ष प्रेम दोर्जी शेर्पा, इलाका प्रशासन कार्यालय प्रमुख बिनोद ज्ञावली, नगरपालिकाका प्रमुख कार्यकारी अधिकृत मोहन चापागाईंको उपस्थितमा प्रकाशलाई नागरिकताको प्रमाणपत्र प्रदान गरिएको हो ।