सहकारी छानबिन समितिले आज रवि लामिछानेसँग बयान लिने

काठमाडौं, ७ भदौ । सहकारी बचतकर्ताको बचत रकम दुरुपयोग सम्बन्धि छानबिन गर्न गठित संसदीय छानबिन समितिले आज पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेसँग बयान लिने भएको छ ।

गोरखा मिडिया नेटवर्कका पूर्वप्रबन्ध निर्देशकसमेत रहनुभएका सभापति लामिछानेलाई समितिले दिउँसो २ बजे बयानका लागि बोलाएको संसदीय छानबिन समितिका सभापति सूर्य थापाले बताउनुभयो । लामिछानेलाई गोरखा मिडिया नेटवर्क प्रालिको प्रबन्ध निर्देशकको हैसियतमा सोधपुछका लागि बोलाइएको समिति सभापति थापाले बताउनुभयो ।

लामिछानेसँगै सञ्चालक छविलाल बन्जाडे जोशीलाई पनि आज नै सोधपुछका लागि बोलाइएको छ । उहाँलाई बिहान ११ बजे बोलाइएको समितिले जनाएको छ ।