युवामाथि खुकुरी प्रहार गर्ने वडाध्यक्ष पक्राउ

नेपालगञ्ज, २ भदौ । युवामाथि खुकुरी प्रहार गरेको आरोपमा प्रहरीले बाँकेको राप्ती सोनारी गाउँपालिका–२ का वडाध्यक्ष ज्ञानेन्द्रराज वलीसहित ४ जनालाई पक्राउ गरेको छ।

वडाध्यक्ष वलीसहिच चारजनाले गएराति जिल्लाको विनौना भन्ने ठाउँका दुई युवालाई खुकुरी प्रहार गरेका थिए । खुकुरी प्रहारबाट घाइते भएकाहरूलाई उपचारका लागि भारत पठाइएको छ। उहाँहरूको अवस्था गम्भीर छ ।

वडाध्यक्ष वली गुण्डा नाइके चक्रे मिलन समूहका सदस्य भएका बताइएको छ । वली एमालेबाट वडाध्यक्षमा निर्वाचित हुनुभएको हो ।