काठमाडौं, २९ असार । नेकपा (एमाले)का अध्यक्ष तथा संसदीय दलका नेता केपी शर्मा ओली भोलि आइतबार प्रधानमन्त्री नियुक्त हुनुहुने भएको छ । राष्ट्रपति रामचन्द्र पौडेलले ओलीलाई आइतबार बिहान प्रधानमन्त्री नियुक्त गर्न लाग्नुभएको हो ।
अध्यक्ष ओलीले एमालेका ७८ र नेपाली कांग्रेसका ८८ गरी १६६ सांसदको हस्ताक्षरसहित शुक्रबार राति प्रधानमन्त्रीका लागि दाबी पेश गर्नुभएको थियो ।
अध्यक्ष ओलीले नेपाली कांग्रेसका सभापति शेरबहादुर देउवासहित शीतलनिवास पुगेर दाबी पेश गर्नुभएको थियो ।
प्रधानमन्त्रीको शपथग्रहण भोलि दिउँसोका लागि तय भएको राष्ट्रपतिको सचिवालयले जनाएको छ ।
प्रतिक्रिया