त्रिशुलीमा खसेको बसमा को-को यात्रु थिए ? हेर्नुस् नामावली

गौर, २८ असार । चितवनको नारायणगढ–मुग्लिन सडकखण्डको सिमलतालमा पुरिएको गणपति डिलक्सको बसमा चालक र सहचालकसहित ३१ यात्रु रहेको खुलेको छ ।

काठमाडौंस्थित टिकट बुकिङ इञ्चार्ज दीपु कुमारका अनुसार काठमाडौंको नयाँबसपार्कबाट गौर प्रस्थान गरेको ०००१ ख २४९५ नम्बरको बसमा चालक, सहचालक २७ यात्रु गरी जम्मा २९ जना थिए । दुई जना बीच बाटोबाट चढेका थिए ।

बसका तीन जना यात्रुहरु भने हामफालेर ज्यान जोगाउन सफल भएका छन् । अन्य यात्रुहरुको अवस्था अज्ञात छ । घटनास्थलमा खोजी र उद्धार कार्य जारी रहेको प्रहरीले जनाएको छ ।

प्राप्त विवरण अनुसार सबै यात्रुहरुको पूरा नाम र ठेगाना भने लेखिएको छैन् । नन्दन दास, राज पटेल, प्रिन्स जैशवाल र ओकिल खाँको नाम मात्र पूरा लेखिएको छ ।