सुडान मिसनको नेपाली शान्ति सैनिक डफ्फा अदलीबदली

काठमाडौं, २ असार । संयुक्त राष्ट्रसंघको आह्वानमा शान्ति स्थापनार्थ सुडानमा खटिएको नेपाली सेनाको एक डफ्फा अदलीबदली भएको छ ।

युनाइटेड नेसन्स इन्टेरिम सेक्युरिटी फोर्स फर अबेइ (यूएनआइएसएफए) मिसनमा तैनाथ श्री फोर्स हे.क्वा. सपोर्ट युनिट (शान्ति सेना) दोस्रो डफ्फालाई बदली गर्नको लागि तेस्रो डफ्फाका ७७ जना शान्ति सैनिकहरू त्यसतर्फ गएका छन् ।

यूएन चार्टर्ड फ्लाइटमार्फत गत शुक्रबार डफ्फा मिसन इलाकातर्फ प्रस्थान गरेको नेपाली सेनाले जनाएको छ ।

यस्तै, मिसनमा तैनाथ श्री फोर्स सपोर्ट युनिट शान्ति सेना दोस्रो डफ्फाका ६७ जना शान्ति सैनिक आइतबार स्वदेश फिर्ता भएका छन् । हाल यस मिसनमा १०६ जना शान्ति सैनिकहरू कार्यरत छन् ।