सुनसरी, २४ जेठ । नेकपा (एमाले) सुनसरीका जिल्ला अध्यक्ष निलम खनालको निधन भएको छ ।
लामो समयदेखि प्याङ्क्रियाजसम्बन्धी रोगका कारण बिरामी पर्नुभएका खनालको बिहीबार बिहान निधन भएको हो ।
उहाँको उपचारको क्रममा हैदरावादमा निधन भएको एमाले सुनसरीका पूर्वअध्यक्ष रेवतीरमण भण्डारीले बताउनुभयो ।
खनाल एमाले सुनसरी जिल्लाको आठौं जिल्ला अधिवेशनबाट अध्यक्षमा निर्वाचित हुनुभएको थियो । गत जेठ ५ गते देखि ७ गतेसम्म भएको अधिवेशनमा उहाँ अध्यक्षमा निर्वाचित हुनुभएको थियो ।
बिरामी अवस्थामै जिल्ला अधिवेशनमा सहभागी हुनुभएका खनाललाई हालै थप उपचारका हैदरावाद लगिएको थियो ।
प्रतिक्रिया