झापा, ९ जेठ । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले विदेशका जस्तै सडक, पुल लगायतका भौतिक संरचना नेपालमा नै धमाधम बनिरहेको बताउनु भएको छ ।
आज झापाको कमल गाउँपालिकास्थित पाडाजुंगीमा पूर्व पश्चिम राजमार्गको काकडभिट्टा-लौकही सडक स्तरोन्नती योजना शिलन्यास गर्दै अध्यक्ष ओलीले मुलुकको समग्र विकासका लागि भौतिक विकास पनि प्रमुख माध्यम भएको बताउनुभयो ।
अब राम्रा र फराकिला सडक तथा आकर्षक पुल नेपालमा नै बन्न थालेकाले सेल्फी खिच्नका लागि विदेश गइरहनु नपर्ने उहाँको भनाइ छ । सडकहरुको विकास र स्तरोन्नतीले विकासका धेरै आयामलाई जोड्ने उहाँको धारणा छ ।
यस प्रकारका योजनामा सबैलाई समान रुपमा अवसर प्राप्त गराउने र आफूले पनि अवसर लिने प्रयत्न गर्नुपर्नेमा उहाँले जोड दिनुभयो ।
प्रतिक्रिया