काठमाडौं, २५ वैशाख । सत्ता गठबन्धनको एक घटक जनता समाजवादी पार्टी (जसपा)का अध्यक्ष उपेन्द्र यादव विदेश उड्नुअघिसम्म उहाँको पार्टीमा कुनै खटपट देखापरेको थिएन । तर राष्ट्रसंघीय जनसंख्या तथा विकास आयोगको ५७औँ बैठकमा भाग लिन अमेरिका पुगेका यादव स्वदेश फर्किँदा उहाँ फुटेको पार्टीको अध्यक्षमा खुम्चिनुभएको थियो ।
आफू प्रवासमा रहेका बेला पार्टी फुटाएर अलग्गिएका साथीहरुले नयाँ पार्टी दर्ता गर्ने प्रक्रिया थालिसक्दा अध्यक्ष यादव काठमाडौं उत्रिनुभएको थियो । जसपाकै नेता अशोक राईले प्रतिनिधि सभाका सात सदस्यसहित बहुसंख्यक नेता लिएर नयाँ पार्टी जनता समाजवादी गठन गरिसक्नुभएको छ । यो पार्टीले निर्वाचन आयोगबाट वैधानिक हैसियत लिने प्रक्रियामा छ ।
स्वास्थ्य तथा जनसंख्यामन्त्रीको हैसियतमा राष्ट्र संघ पुग्नुभएका उपप्रधानमन्त्री यादवको रामशाहपथस्थित कार्यकक्ष मर्मतसम्भार गरेर सोमबार नै तयार गरिएको थियो । धेरैवटा ढोका र झ्याल भएको स्वास्थ्य मन्त्रालयको भवनमा मन्त्रीको कार्यकक्षका अनावश्यक ढोकाहरु टालेर नयाँपन दिइएको हो ।
मन्त्री कार्यालय फर्किनुअघि नै कार्यकक्षमा नयाँपन सिर्जना गरेर उहाँलाई प्रशन्न तुल्याउन मन्त्रालय प्रशासन क्रियाशील थियो । तर पार्टी फुटेको पीडा र रोष बोकेर फर्किनुभएका यादवलाई उहाँको सचिवालयले प्रशन्न देख्न पाएन ।
प्रतिनिधि सभामा हिजोभन्दा कमजोर हुनुभएका यादव सत्ता गठबन्धनमा रहीरहने कि विकल्प सोच्ने भन्ने मनस्थितिमा सहकर्मीहरुसँग परामर्श गर्ने तयारीमा रहेको उहाँसँग सम्बध्द सूत्रले बताएको छ ।
यादव संयुक्त राष्ट्रसंघीय जनसंख्या तथा विकास आयोगको ५७औँ बैठकमा भाग लिएर स्वदेश फर्किसक्नुभएको छ ।
यता, गठबन्धनका परिकल्पनाकार मानिनुभएका एमाले अध्यक्ष केपी शर्मा ओलीले संसदमा आफ्नो दलललाई सबैभन्दा ठूलो दल बनाउने रणनीतिमा राजनीतिक सक्रियता बढाइरहनुभएको बुझिएको छ ।
नेपाली कांग्रेसका नेता शेखर कोइरालाले ठूला दुई पार्टी मिलेर मात्र देशका कतिपय विषयको समाधान गर्न सम्भव भएको भनेर एमाले र कांग्रेसको सत्ता गठबन्धनको पैरवी गरिरहनुभएको छ । यही अभियानमा जसपा विभाजनलाई पनि जोडेर हेरिएको पाइन्छ ।
राष्ट्रसंघको प्रधानकार्यालयमा रहँदा उपप्रधानमन्त्री यादवले राष्ट्रसंघका महासचिव एन्टोनियो गुटरेस तथा ७८औँ महासभाका अध्यक्ष डेनिस फ्रान्सिससँग बेग्लाबेग्लै भेटवार्ता गरी सबल र प्रभावकारी संयुक्त राष्ट्रसंघ बनाउन नेपालको पूर्ण सहयोग रहने बताएको खबर सार्वजनिक हुने क्रममै उहाँको पार्टी फुटिसकेको थियो । यो फुटलाई सम्भावित एमाले र कांग्रेस सहकार्यको अंश त होइन भनेर राजनीतिक क्षेत्रमा टिकाटिप्पणी भैरहेको पाइन्छ ।
प्रचण्ड, ओली र रवि लामिछानेको बैठकमा देउवाको इन्ट्री
कांग्रेस रामेछापको कार्यक्रममा कुटाकुट, नेताहरु लखेटिए
हार्दिकलाई एक खेलको प्रतिबन्ध, अर्को आईपीएलको पहिलो खेल गुमाउने
ताइवानको संसदमा सांसदहरुबीच हानाहान
आज देशभरको मौसम कस्तो रहन्छ ?
पृथ्वीराजमार्ग जोड्ने वैकल्पिक रानीटारी–घुम्ती मार्ग १६ दिन बन्द
प्रचण्ड र ओलीलाई सभामुखको सुझाव- अवरोधकाबीच विश्वासको मत लिँदा राम्रो सन्देश जाँदैन
कार्यदलको बैठकमा सहमति जुटेन
राष्ट्रिय सभाको बैठक भोलिसम्मका लागि स्थगित
फेरि सर्यो प्रतिनिधिसभाको बैठक
गृहमन्त्री लामिछानेको राजीनामा माग गर्दै नेविसंघको प्रदर्शन
संसदीय छानविन समिति : काँग्रेसले माग्यो केही समय, कार्यदेशमा साँझसम्म सहमति हुने
राप्रपाले बोलायो केन्द्रीय समितिको बैठक
