इलाम, ८ वैशाख । यही वैशाख १५ गते हुने इलाम क्षेत्र २ को उपनिर्वाचनका लागि नेकपा (एमाले)का युवा उम्मेदवार सुहाङ नेम्वाङले ‘सुहाङ संकल्प’ सार्वजनिक गर्नुभएको छ ।
उहाँले मुख्य १० विषयमा केन्द्रित रहेर ‘समृद्ध इलाम : सुखी इलामेली’का लागि ‘सुहाङ संकल्प’ ल्याउनुभएको हो । नेम्वाङले सुशासन, कृषि, पर्यटन, स्वास्थ्य, सडक, शिक्षा, उद्योग, खेलकुद, खानेपानी, सूचना–सञ्चारलगायत विषयका एजेन्डा सार्वजनिक गर्नुभएको हो ।
सुशासनअन्तर्गत उहाँले ‘हाम्रो दृढ र स्पष्ट विचार : हुन दिन्नौँ इलामका कुनैपनि आयोजनामा भ्रष्टाचार’, कृषितर्फ सुखी इलामेलीको आधार : ८ ‘अ’को अनुसन्धान, आधुनिकीकरण, ब्रान्डिङ र बजारीकरण’ र पर्यटनतर्फ ‘विदेशी पर्यटक आवागमनको आधार : एकीकृत पर्यटन प्याकेज निर्माण र प्रचार’ गर्ने संकल्प गर्नुभएको छ ।
उम्मेदवार नेम्वाङले स्वास्थ्यतर्फ ‘हरेक स्थानीय तहमा चिकित्सकसहितको अस्पताल : मर्ने छैनन् कोही इलामेली अकाल’, सडकतर्फ ‘हरेक वडादेखि पालिका केन्द्रसम्म पक्की सडक : बनाउनेछौँ सबै इलामेलीको दैनिकी सहज’ र शिक्षातर्फ सामुदायिक विद्यालयको शैक्षिक गुणस्तरमा वृद्धि : गाउँ फर्किनेछन् हाम्रा छोराछोरी’ लाई एजेन्डाका रूपमा ल्याउनुभएको छ ।
यसैगरी, उद्योगतर्फ ‘इलामेलीको इलम : सहरका हरेक डिपार्टमेन्टल स्टोरमा मेड इन इलाम’, खेलकुदतर्फ ‘एक वडा एक खेलकुद मैदान, एक स्थानीय तह एक रंगशाला : खेलाडीको संरक्षण हाम्रो अभिभारा’, खानेपानीतर्फ ‘एक घर एक धारा : सफा खानेपानी सुविधा सुनिश्चितता हाम्रो अभिभारा र सञ्चार तथा सूचनातर्फ ‘हरेक घरमा इन्टरनेट सुविधा : हुने छैन देश–विदेशको सूचनामा द्विविधा’ सुहाङको चुनावी एजेन्डा छ ।
यी बाहेक उहाँले सहरमा संघर्ष गरिरहेका गाउँलेका छोराछोरीको आफू सधै साथी हुने, विदेशमा अलपत्र इलामेको उद्धार, किरात धार्मिकस्थल लारुबालाई राष्ट्रिय पहिचान दिनेदेखि इलामेका मुद्दा मामिलामा कानुनी सल्लाहसमेत दिने एजेन्डा मतदातासामु राख्नुभएको छ ।
एमाले उम्मेदवार नेम्वाङलाई नेकपा (माओवादी केन्द्र), नेपाल कम्युष्टि पार्टी र नेपाल परिवार दल लगायतका दललेसमेत समर्थन गरेका छन् ।
‘भेलु बाजे’को निधन 
ब्याण्डविथको रकम भुक्तानी नगर्दा इन्टरनेट सेवामा समस्या
सिधा कुरालाई अडिओ दिने तिमिल्सिनालाई पनि सर्वोच्चले बयानका लागि बोलायो
मोरङमा वीभत्स अवस्थामा एक महिलाको शव फेला
सुदूरपश्चिम विश्वविद्यालयको उपकुलपतिमा पन्त नियुक्त
पोखराका इन्जिनियर बरालसहित तीनविरुद्ध भ्रष्टाचार मुद्दा
कस्तो रहन्छ आजको मौसम ?
सुस्ताको विरोध गर्दा मलाई जेल कोच्नेहरूले राष्ट्रियताको कुरा गर्दैछन् : केपी शर्मा ओली
मुलुकको सम्वृद्विको नेतृत्व एमालेले गर्छ : मुख्यमन्त्री कँडेल
भारतका प्रधानन्यायाधीश चन्द्रचुड नेपालमा
६ जना सचिवको सरुवा
सय रुपैयाँको नोटमा चुच्चे नक्सा राख्ने सरकारको निर्णय
एमालेको पर्सा अध्यक्षमा शर्मा
कक्षा १२ को परीक्षा दिएर फर्किरहेकी छात्रामाथि गोली प्रहार
