बुधबार, १२ वैशाख २०८१
DainikNepal.com
बुधबार, १२ वैशाख २०८१

नेपाल ‘ए’ र आयरल्याण्ड उल्भ्सबीचको टी–२० सिरिजको अन्तिम खेल आज

दैनिक नेपाल २०८० चैत १९ गते ७:४७

काठमाडौं, १९ चैत । नेपाल ‘ए’ र आयरल्यान्ड उल्भ्सबीचको तेस्रो तथा अन्तिम टी–२० अभ्यास खेल आज हुँदैछ ।

खेल त्रिवि क्रिकेट मैदान कीर्तिपुरमा दिउँसो १ बजेदेखि सुरू हुनेछ ।

अघिल्लो दुई खेलमा लगातार हार व्यहोरेको नेपालले एक खेल अगावै सिरिज गुमाइसकेको छ । नेपाल ‘ए’ पहिलो खेलमा २१ रन र दोस्रो खेलमा ४० रनले उल्भ्ससँग पराजित भएको थियो ।

नेपालका केही ब्याटरहरुले उत्कृष्ट प्रर्दशन गरेपनि यस अघिका दुवै खेलमा मध्य र तल्लो क्रममा ब्याटरहरु फिनिसिङमा चुक्दा र देथ ओभरमा खराब बलिङका कारण नेपालले दुवै खेल गुमाउन पुग्यो ।

सिरिज गुमाइसकेको नेपाल आजको अन्तिम खेलमा जितका साथ क्लिनस्वीप हुनबाट बच्ने लक्ष्यका साथ मैदान प्रवेश गर्नेछ ।

टी–२० सिरिजपछि दुवै टोलीले एकदिवसीय सिरिज खेल्नेछन् ।

प्रतिक्रिया
सम्बन्धित