बैतडी, १० चैत । बैतडीमा टिपर दुर्घटना भएको छ । पाटन नगरपालिका–८ तल्लो अनारखोलीमा खोड्पे–डडेल्धुरा सडकखण्डमा टिपर दुर्घटना भएको हो ।
बिफ्याकटालबाट डडेल्धुरातर्फ जाँदै गरेको सुदूरपश्चिम प्रदेश ०१००१ क २०१३ नम्बरको टिपर शनिबार दिउँसो दुर्घटनामा परेको जिल्ला प्रहरी कार्यालय बैतडीका प्रवक्ता प्रहरी निरीक्षक खेमविक्रम केसीले बताउनुभयो ।
टिपर सडकबाट अन्दाजी ३० मिटर तल खसेको र टिपरमा क्षति पुगेको बताइएको छ ।
टिपरका चालक दार्चुलाको लेकम गाउँपालिका १ का ४० वर्षीय अम्मर साउँद भने सकुशल रहेको प्रहरी निरीक्षक केसीले बताउनुभयो । उकालोमा ब्रेक नलागेपछि टिपर सडकबाट खसेको हो ।
प्रतिक्रिया