प्रमुख प्रशासकीय अधिकृतको ज्यान मार्ने कोसिस, भागेर बच्यो ज्यान

काठमाडौं, २५ फागुन । दार्चुलाको मार्मा गाउँपालिकाका प्रमुख प्रशासकीय अधिकृत रोशन अधिकारीमाथि आक्रमण भएको छ ।

राति अधिकारीको सरकारी निवासमा ढुंगामुढा र आगजनी भएको हो । अज्ञात समूहले बिहीबार राति पौने २ बजेतिर प्रमुख प्रशासकीय अधिकृत अधिकारी बस्ने सरकारी निवासमा आगजनी गरेको हो ।

आगजनी र ढुंगामुढा भएपछि अधिकारी झ्यालबाट हाम फालेर भाग्नुभएको थियो ।

आक्रमण गर्नेको खोजी भइरहेको प्रहरीले जानकारी दिएको छ ।