काठमाडौं, २४ माघ । ६० किलो सुन तस्करी प्रकरणमा अमला रोकाविरूद्ध डिफ्यूजन नोटिस जारी भएको छ ।
केन्द्रीय अनुसन्धान ब्युरो (सिआइबी) ले रोकाविरूद्व डिफ्युजन नोटिस जारी गर्नका लागि नेपाल प्रहरी प्रधान कार्यालयस्थित इन्टरपोल शाखामा अनुरोध गरेको थियो।
गत साउन २ गते त्रिभुवन अन्तर्राष्ट्रिय विमानस्थल भन्सार कार्यालयबाट जाँचपास भएर बाहिरिएको ६० किलो ७१६ ग्राम सुन फेला परेको थियो। यो प्रकरणमा रोकाको मुख्य अभियुक्त रहेको बताइएको छ ।
उहाँका श्रीमान बेल्जियन नागरिक दावा छिरिङ प्रहरीको हिरासतमा हुनुहुन्छ । श्रीमान दावा पक्राउ परेसँगै अमला फरार रहँदै आउनु भएको छ ।
अमला माओवादी केन्द्र निकट रोल्पा–काठमाडौँ सम्पर्क मञ्चको पूर्व उपाध्यक्ष पनि हुनुहुन्छ ।
प्रतिक्रिया