एमाले संसदीय दलको बैठक शनिबार

काठमाडौं, १९ माघ । नेकपा (एमाले)ले शनिबारदेखि संसदीय दलको बैठक बोलाएको छ । बैठक शनिबार र आइतबार दुवै दिन बस्ने सचेतक महेश बर्तौलाले जानकारी दिनुभयो ।

उहाँका अनुसार बैठक संसद भवनको ल्होत्से हलमा बस्नेछ ।

आगामी सोमबारदेखि बस्ने संसद्को हिउँदे अधिवेशनका विषयमा छलफल गर्न एमालेले दलको बैठक बोलाएको हो ।

अधिवेशनको तयारीका विषयमा अन्य दलहरूले पनि दलको बैठक राखेका छन् ।