राष्ट्रिय सभा निर्वाचन : यी हुन् नेकपा एसका दुई उम्मेदवार

काठमाडौं, २३ पुस । नेकपा (एकीकृत समाजवादी)ले आगामी माघ ११ गते हुने राष्ट्रिय सभा निर्वाचनका लागि दुई जना उम्मेदवारको नाम सार्वजनिक गरेको छ ।

बागमती प्रदेशका दलित कोटाबाट दोलखाका घनश्याम रिजाल र कर्णाली प्रदेशको महिला कोटाबाट दैलेखकी सावित्री मल्ललाई उम्मेदवार बनाउने निर्णय गरेको पार्टीका उपमहासचिव तथा प्रवक्ता जगन्नाथ खतिवडाले जानकारी दिए ।

आइतबार बिहान भएको सचिवालय बैठकले उम्मेदवार टुंग्याउने जिम्मेवारी पार्टी अध्यक्ष माधवकुमार नेपाल, उपाध्यक्ष राजेन्द्र पाण्डे र महासचिव घनश्याम भुसाललाई सुम्पेको थियो ।