गठबन्धनको तर्फबाट राष्ट्रपतिले मनोनीत गर्ने सिटमा जनमोर्चाकी दुर्गा पौडेल

काठमाडौं, २२ पुस । राष्ट्रियसभा निर्वाचनका लागि सत्ता गठबन्धन दलबीच राष्ट्रपतिले मनोनीत गर्ने राष्ट्रिय सभा सदस्यबारे पनि सहमति जुटेको छ ।

आज बिहान बसेको गठबन्धनको बैठकले राष्ट्रिय जनमोर्चाकी दुर्गा पौडेललाई राष्ट्रपतिले मनोनीत गर्ने सिटका लागि चयन गरेको हो ।

राष्ट्रियसभाका १९ जना सांसद निर्वाचित हुनेछन् भने एकजनालाई राष्ट्रपतिले मनोनित गर्नेछन् ।