अध्यक्ष ओलीद्वारा उधौली पर्व, यःमरी पुन्हि र धान्य पूर्णिमाको शुभकामना

काठमाडौं, १० पुस । नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीले उधौली पर्व, यःमरी पुन्हि र धान्य पूर्णिमाको अवसरमा शुभकामना व्यक्त गरेका छन् ।

अध्यक्ष ओलीले मार्गशीर्ष शुक्ल पूर्णिमा दिन आज मनाइँदै गरिएको उधौली पर्व, यःमरी पुन्हि र धान्य पूर्णिमाको शुभकामना व्यक्त गरेका हुन् ।

‘तिथि एक–पर्व अनेक !! पूर्वी नेपालमा उल्लासमय रूपमा मनाइने उधौली पर्व आजै हो । काठमाडौं उपत्यकामा यःमरी पुन्हि पनि आजै पर्छ । देशका विभिन्न भागमा विभिन्न कुल वंशको कुलपूजा गर्ने धान्य पूर्णिमा पनि आजै’, अध्यक्ष ओलीले सामाजिक सञ्जाल फेसबुकमा लेखेका छन्, ‘हाम्रो विविधता, हाम्रो पूँजी ! उधौली पर्व, यःमरी पुन्हि र धान्य पूर्णिमाको शुभकामना !’