बिहीबार, १० फागुन २०८०
DainikNepal.com
बिहीबार, १० फागुन २०८०

एमाले उपमहासचिव ज्ञवालीद्वारा विश्व समाजवाद फोरमलाई सम्बोधन

दैनिक नेपाल २०८० मंसिर १४ गते ५:५६

काठमाडौं, १४ मंसिर । नेकपा (एमाले)का उपमहासचिव एवं केन्द्रीय पार्टी स्कुल विभाग प्रमुख प्रदीपकुमार ज्ञवालीले मंगलबार बेइजिङमा चिनियाँ सामाजिक विज्ञान प्रतिष्ठान (कास)ले आयोजना गरेको १३औँ विश्व समाजवाद फोरमलाई सम्बोधन गरेका छन् ।

पूर्ण सभालाई सम्बोधन गर्दै उपमहासचिव ज्ञवालीले नेपालमा जस्तै राष्ट्रिय अवस्था अनुसार मार्क्सवादको सिर्जनात्मक कार्यान्वयनको आवश्यकतामा जोड दिएको उनीसँगै फोरममा सहभागी पार्टीका केन्द्रीय सदस्य विष्णु रिजालले बताएका छन् ।

एमालेले जननेता मदन भण्डारीले प्रतिपादन गरेको जनताको बहुदलीय जनवाद (जबज)लाई पार्टीको मार्गदर्शक सिद्धान्तका रूपमा अवलम्बन गरेको बताए ।

जनताको जनमत नभई कम्युनिष्ट पार्टीको जीवन हुँदैन र समाजवादको भविष्य हुँदैन’ भन्दै सम्बोधन क्रममा उनले विश्व श्रमजीवी जनताको जितका लागि जनमुखी नीति र त्यसको कार्यान्वयनमा जोड दिए ।

‘मानवता र विश्व समाजवादको विकासका लागि साझा भविष्यसँग समुदायको निर्माण’ शीर्षकको तीन दिने सम्मेलनमा ३७ देशका ८० जना र १०० भन्दा बढी चिनियाँ नेता तथा विज्ञहरूको सहभागिता रहेको छ ।

प्रतिक्रिया
सम्बन्धित