काठमाडौं, १७ कात्तिक । आईसीसी टी–२० विश्वकप एसिया छनोटको सेमिफाइनलमा नेपालले पहिला बलिङ गर्दैछ ।
शुक्रबार मुलपानी मैदानमा हुने खेलमा युएईले टस जितेर पहिले ब्याटिङ रोजेपछि नेपालले बलिङ गर्न लागेको हो ।
नेपाली टिममा आज एक परिवर्तन गरिएको छ । सन्दिप जोराको स्थानमा दीपेन्द्र सिंह ऐरीलाई प्लेइङ ११ मा राखिएको छ । घाइते भएका कारण दीपेन्द्रले समूह चरणमा मलेसिया, सिंगापुर र ओमानविरुद्धको खेल गुमाएका थिए ।
आजको खेलमा जित हात पार्ने टिम आगामी वर्ष अमेरिका र वेस्ट इन्डिजमा हुने टी–२० विश्वकपमा स्थान पक्का गर्नेछ ।
प्रतिक्रिया