पाल्पाको रानीमहल नजिकै जीप दुर्घटना हुँदा ६ जनाको मृत्यु

पाल्पा, ५ कात्तिक । पाल्पाको रानीमहल दरबार नजिकै जीप दुर्घटना हुँदा छ जनाको ज्यान गएको छ । दुर्घटनामा एक जना घाइते भएका छन् ।

दुर्घटनामा ज्यान गुमाउनेमा तीन महिला, दुई बालक र एक पुरुष रहेका छन् ।

ज्यान गुमाउनेको परिचय भने नखुलेको जिल्ला प्रहरी कार्यालय पाल्पाले जनाएको छ । बाग्मती प्रदेशको ७२०९ नम्बरको जीप दुर्घटनामा परेको हो ।