साताको अन्तिम दिन ६०० सय रुपैयाँले बढ्यो सुनको मूल्य

काठमाडौं, २९ भदौ । नेपाली बजारमा साताको अन्तिम दिन आज शुक्रबार सुनचाँदीको मूल्य बढेको छ ।

नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला ६ सय रुपैयाँले बढेर १ लाख ११ हजार ८ सय रुपैयाँमा कारोबार भइरहेको छ ।

यसअघि हिजो बिहीबार छापावाल सुनको मूल्य स्थिर रहेर प्रतितोला १ लाख ११ हजार २ सय रुपैयाँमा कारोबार भएको थियो ।

आज तेजावी सुन प्रतितोला १ लाख ११ हजार २५० रुपैयाँमा कारोबार भइरहेको छ ।

महासंघका अनुसार आज चाँदीको मूल्य पनि १० रुपैयाँले बढेको छ । चाँदी आज प्रतितोला १ हजार ३९५ रुपैयाँमा कारोबार भइरहेको महासंघले जनाएको छ ।