काठमाडौं, १२ जेठ । टीकापुर हत्यकाण्डका मुख्य अभियुक्त रेशम चौधरीलाई माफी दिन माग गर्दै सरकारले राष्ट्रपति कार्यालयमा पठाएको निवेदन फिर्ता भएको छ ।
राष्ट्रपति कार्यालयले निवेदन आज गृहमन्त्रालयमै फिर्ता पठाएको हो । गणतन्त्र दिवसको अवसर पारेर रेशमलाई आममाफी दिन माग गर्दै सरकारले राष्ट्रपति कार्यालयमा निवेदन दिएको थियो ।
प्रचलित कानुन, यस सम्बन्धमा अदालतबाट भएको फैसला र सर्वोच्च अदालतबाट प्रतिपादित सिद्धान्तविपरीत नहुने गरी कानुन बमोजिम हुने गरी गर्न भनेर निवेदन गृहमा फिर्ता पठाइएको राष्ट्रपति कार्यालयले जानकारी दिएको छ ।
रेशम चौधरीलाई आममाफी नदिन माग गर्दै राष्ट्रपति कार्यालयमा निवेदनसमेत दर्ता भएको थियो । टीकापुर हत्याकाण्डमा ज्यान गुमाउने प्रहरी निरीक्षक केशव बोहराकी पत्नी शारदा कडायतले राष्ट्रपति कार्यालयमा निवेदन दर्ता गराएकी हुन् ।
प्रतिक्रिया