काठमाडौं, १५ फागुन । नेकपा एमालेले परराष्ट्रमन्त्री विमला राई पौडेललाई जेनेभा जान रोक्ने प्रधानमन्त्री पुष्पकमल दाहाल ‘प्रचण्ड’को कदमप्रति आपत्ति जनाएको छ ।
आजको सचिवालय बैठकपछि उपाध्यक्ष विष्णु पौडेलले एमालेका मन्त्रीहरूप्रति सरकारको व्यवहारप्रति आपत्ति जनाएका हुन् । उनले प्रधानमन्त्री प्रचण्डको व्यवहारकै कारण एमाले तत्काल सरकार छोड्न बाध्य भएको दाबी पनि गरेका छन् ।
‘मन्त्रिपरिषद निर्णयको आधारमा जेनेभा जान लाग्नुभएका परराष्ट्रमन्त्री विमला राइलाई अन्तिममा आएर नजान भनेर निर्देशन गर्नुभयो,’ उपाध्यक्ष पौडेलले भने, ‘त्यतिमात्र नभएर हामीलाई स्वेच्छाले सरकार छाड्ने नभएर आफैले सरकारबाट हटाउने जस्ता अभिव्यक्ति दिदै हिड्नुभयो । नेकपा एमाले र एमालेका सदस्यहरूप्रति टिप्पणी गरेपछि हामीले यो सरकारमा रहिरन उचित देखेनौं ।’
प्रधानमन्त्रीका पछिल्ला अभिव्यक्तिले एमाले प्रतिपक्षमा जाओस् भन्ने देखिएको पौडेलले बताए ।
प्रतिक्रिया