
काठमाडौं, १५ फागुन । कुटपिटबाट घाइते भएका एकजनाको उपचारको क्रममा मृत्यु भएको छ ।
मृत्यु हुनेमा धुनिबेशी नगरपालिका-६ का ८० वर्षीय बलराम उप्रेती रहेका छन् ।
उनीमाथि १० फागुनमा धुनिबेशी नगरपालिका-७ नौबिसेमा स्थानीय ३७ वर्षीय पुरुषोतम बानियाँले कुटपिट गरेका थिए । वृद्ध सोही ७ नम्बर वडाको निर्वेश्वार महादेव मन्दिरमा बस्दै आएका थिए ।
कुटपिटबाट घाइते भएका उप्रेतीलाई उपचारको लागि ट्रमा सेन्टर काठमाडौं ल्याइएको थियो ।
उनको थप उपचारको क्रममा आइतबार नेपाल भारत मैत्री अस्पताल कलंकीमा मृत्यु भएको बागमती प्रदेश प्रहरी कार्यालयले जानकारी दिएको छ । कुटपिट गर्ने बानियाँ प्रहरी नियन्त्रणमा रहेको कार्यालयले जनाएको छ ।












प्रतिक्रिया