३० कार्तिक २०८३, सोमबार

प्राप्त उपलब्धि समाप्त पार्ने खेल भइरहेको माधव नेपालको दाबी

322
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, १३ फागुन । नेकपा एकीकृत समाजवादीका अध्यक्ष माधव कुमार नेपालले देशमा प्राप्त उपलब्धी समाप्त पार्ने खेल भइरहेको दाबी गरेका छन् ।

महेन्द्र नारायण निधिको १०१औँ जन्म जयन्तिको अवसरमा आयोजित समसामयिक नेपाली राजनीति र निधिको विचार गोष्ठी कार्यक्रममा बोल्दै उनले देशमा आएको परिवर्तनलाई उल्टाउने र समाप्त पार्ने प्रयासहरू भइरहेको दाबी गरेका हुन् ।

लोकतन्त्र, गणतन्त्र र संघीयताको रक्षा गर्ने विषयमा संवेदनशिल भएर लाग्न आग्रह गरेका उनले देश परिवर्तनमा दिइएको बलिदान खेर जान दिन नहुने बताए । उनले सुशासन, विकास र जनताको समृद्घिको चाहना पूरा गर्न राजनीतिक दल, नागरिक समाज र आम जनता सबै एकताबद्घ भएर अगाडि बढ्नु पर्ने बताएका छन् ।

समाज आएको चुनौति र परिवर्तनको सामना गर्दै देशलाई सुसंस्कृत गर्नु आवश्यक भएको उनको भनाइ छ । उनले भने, ‘सुशासनको मान्यता, विकासको आवश्यकता, जनताको समृद्धिको चाहाना पूरा गर्न हामी सबै जुट्ने कसरी भत्रे कुरामा हाम्रो ध्यान जानु आवश्यक हुन्छ । राजनीतिक दल र नागरिक समाज आम जनता सबै एकताबद्ध भएर जानु पर्छ । आर्थिक, सामाजिक, सांस्कृतिक रूपान्तरण गर्ने काम पनि हामीले नै गर्नुपर्छ । मुलुकको चाहनालाई पूरा गर्न लाग्नुपर्छ ।’

कार्यक्रममा प्रधानमन्त्री पुष्पकमल दाहाल प्रचण्ड, राष्ट्रपतिका उम्मेदवार रामचन्द्र पौडेल लगायत नेताहरूको उपस्थिति रहेको थियो ।