काठमाडौं, २१ माघ । संघीय संसदमा प्रतिनिधित्व गर्ने विपक्षी दलहरुको बैठकले आइतबार बिहानसम्म राष्ट्रियसभा उपाध्यक्षको उम्मेदवार टुङ्गो लगाउने भएका छन् ।
कांग्रेस संसदीय दलको बैठक सिंहदरबारमा शनिबार बसेको बैठकले राष्ट्रियसभा उपाध्यक्षमा मनोनयन दर्ता गराउने निर्णय गर्दै आइतबार बिहानसम्ममा उम्मेद्वारको टुङ्गो लगाउने निष्कर्षका निकालेको हो ।
बैठकपछि कांग्रेसका मुख्य सचेतक रमेश लेखकले संघीय संसदमा भएका विपक्षी दलका नेताको बैठकमा राष्ट्रियसभाको उपाध्यक्षको उम्मेवारीका सम्बन्धमा केन्द्रित रहेर छलफल भएको बताए । आइतबार बिहानसम्ममा यस सम्बन्धमा आवश्यक निर्णय गर्ने उनले जानकारी दिए ।
उनले रवि लामिछानेको वर्हिगमन र त्यसपछि उत्पन्न परिस्थितिलाई सुक्ष्म ढङ्गले नियालिरहेको पनि बताएका छन् ।
प्रतिक्रिया