पाकिस्तानको मस्जिदमा भएको बिष्फोटमा मृत्यु हुनेको संख्या ९० पुग्यो

काठमाडौं, १७ माघ । पाकिस्तानको उत्तर पश्चिममा रहेको एक प्रहरी मुख्यालयभित्र रहेको मस्जिदमा सोमबार भएको बम विष्फोटमा परेर मृत्यु हुनेको संख्या ९० पुगेको छ ।

एक सय ५० भन्दा बढी घाइते भएका छन । प्रान्तीय राजधानी पेशावरमा सोमबार दिउँसोको प्रार्थनाको समयमा आक्रमण भएको थियो ।

अफगान सीमासँग जोडिएका क्षेत्रहरुमा आक्रमणहरु लगातार बढिरहेको छ ।

सहरका प्रहरी प्रमुख मुहम्मद इजाज खानकाअनुसार मारिनेमा ९० प्रतिशतभन्दा बढी प्रहरी नै रहेका छन् ।