काठमाडौं, १५ मंसिर । गायक अविनाश थापामगर र गायिका रचना रिमालको स्वरमा रेकर्ड भएको नयाँ गीत ‘जानी नजानी माया गरेनी…’ को भिडियो सार्वजनिक गरिएको छ ।
रचना पछिल्लो समय चर्चामा रहेकी गायिका हुन भने अविनाश उदाउँदै गरेका गायक हुन् । गीतलाई गायक अविनाशसँगै अजय कार्कीले लेखेका हुन् । जसमा संगीत अविनाश आफैंले गरेका छन् ।
सुनिल राईको संगीत संयोजन रहेको गीतमा राजेश श्रेष्ठले रेकर्डिङ तथा किशोर थापाले मिक्सिङ गरेका छन् । गीतको भिडियोलाई अजय कार्की स्टल नं. २५६ च्यानलबाट रिलिज गरिएको छ ।
म्युजिक भिडियोमा मोडल रञ्जित सिञ्जाली मगर र धनमाया सोती मगरले अभिनय गरेका छन् । रञ्जित आधा दशकदेखि म्युजिक भिडियो मोडलका रुपमा स्थापित छन् भने धनमाया पछिल्लो समय टिकटकमा लोकप्रिय छिन् ।
प्रतिक्रिया
सम्बन्धित
सिफारिस