हेटौंडा, ८ मंसिर । मकवानपुर क्षेत्र नम्बर १ बाट उम्मेदवार बनेका राप्रपा नेपालका अध्यक्ष कमल थापाले मतगणना जारी रहँदै हार स्वीकार गरेका छन् ।
बिहीबार बिहान सामाजिक सञ्जालमा लेख्दै थापाले पराजयलाई सहर्ष स्वीकार गरेको उल्लेख गरेका छन् । उनले आफुलाई मतदान गर्ने र सूर्युचिन्ह लिएर चुनाव लड्ने अवसर दिएकोमा नेकपा एमालेलाई धन्यवाद दिएका छन् ।
थापाले भनेका छन्ः
जारी मतगणनमा यहाँको ७१ हजार ४७८ मतगणना भएको छ । जसमा सत्ता गठबन्धनबाट नेपाली कांग्रेसकी उम्मेदवारी महालक्ष्मी उपाध्याय (डिना) २१ हजार ९१० मत ल्याउँदै अग्रता कायम गरेकी छन् । उनलाई थापाले २० हजार ६४८ मतसहित पछ्याइरहेका छन् ।
सोही क्षेत्रमा राप्रपाका उम्मेदवार दिपकबहादुर सिंहले १९ हजार ७५६ मतसहित डिना र थापालाई पछ्याइरहेका छन् । यहाँको मतगणना रोचक हुँदै गएको छ । हेटौंडा उपमहानगर क्षेत्रमा राप्रपाका सिंहले अप्रत्यासित मतभार बढाउँदै लगेपछि सिंह निर्वाचित हुने सम्भावना बलियो देखिएको छ ।