दीपावलीमा लक्ष्मी मातालाई प्रसन्न बनाउन चढाउनुहोस् यी पाँच चिज

काठमाडौं, ७ कात्तिक । दीपावली प्रेम, प्रकाश र समृद्धिको पर्व हो ।

मानिसहरूले धनकी देवी लक्ष्मीको पूजा गरी सुख र समृद्धिको आशीर्वाद प्राप्त गर्न अनेक प्रयत्न गर्दछन् ।

दीपावली पर्व हर्षोल्लासका साथ मनाइन्छ । हिन्दू पात्रो अनुसार दीपावली पर्व कात्तिक महिनाको नयाँ चन्द्रमामा मनाइन्छ । यस दिन भगवान गणेश र माता लक्ष्मीको पूजा गरिन्छ ।

दीपावलीको दिन दिपावलीले सारा पृथ्वी उज्यालो हुन्छ । दीपावलीको दिन भगवान गणेश र माता लक्ष्मीलाई धेरै चीजहरू चढाइन्छ । आज हामी तपाईलाई केही यस्ता कुराहरू बताउन गइरहेका छौँ, जुन वस्तु चढाउँदा लक्ष्मी मातालाई प्रसन्न पार्न सकिनाका साथै जीवनमा धन लाभको योग रहन्छ ।

दीपावलीका दिन देवी लक्ष्मीलाई र गणेशलाई खेल र बतासा चढाउनुपर्छ । खेल धानबाट बनेको अन्न हो भने बतासा मधेशमा पाइने भित्र खोक्रो भएको चिनीका एक प्रकारको मिठाई हो । यी वस्तु चढाउनु धेरै शुभ मानिन्छ । लक्ष्मी पूजामा भगवान गणेश र देवी लक्ष्मीलाई सेतो वस्तु चढाउनु पनि शुभ मानिन्छ ।

पूजाको समयमा भगवानलाई मिठाई चढाउनुपर्छ, त्यसैले दीपावलीको दिन बतासा भगवान गणेश र लक्ष्मीलाई भोगको रूपमा चढाइन्छ । यसका कारण घरमा ऐश्वर्य र वैभव कायम रहन्छ, दीपावलीको समयमा धानबाली तयार हुन्छ, त्यसैले दीपावलीको पूजामा गणेश र माता लक्ष्मीलाई नयाँ बालीको रूपमा खीर चढाइन्छ ।

दीपावलीको दिन लक्ष्मी मातालाई खीर र बतासा चढाएर शुक्र ग्रह प्रसन्न बनाउन सकिन्छ । शुक्र ग्रह माता लक्ष्मीसँग सम्बन्धित छ । शुक्र प्रसन्न हुँदा देवी लक्ष्मी प्रसन्न हुन्छिन् । दीपावलीको दिन माता लक्ष्मीको प्रसन्नताले देवी लक्ष्मी र भगवान गणेशलाई प्रसन्न गरी घर परिवारमा सबैको सुख, समृद्धि, वैभव र स्वास्थ्य कायम रहन्छ ।

लक्ष्मी पूजामा के–के चढाउने वा प्रयोग गर्ने ?

१. गुडको हलुवा : यो हलुवा सूजी, गुड र सुख्खा फलफूलबाट बनाइन्छ । लक्ष्मी मातालाई भोगको रूपमा चढाउन सकिन्छ ।

२. पञ्चामृत : मह, दही, दूध, घिउ र चिनी मिलेर पञ्चामृत बनाइनछ । पूजाको समयमा देवीलाई चढाइन्छ । पछि यसलाई प्रसादको रूपमा वितरण वा ग्रहण गर्न सकिन्छ ।

३. खीर : यो देवी लक्ष्मीको मनपर्ने चीज मध्ये एक मानिन्छ । दूधमा चामल पकाएर खीर बनाइन्छ ।

४. बुन्डी लड्डु : दीपावलीमा लक्ष्मीसँगै भगवान गणेशको पनि पूजा गरिने भएकाले बुुन्डी लड्डु वा लड्डु सामान्यतः भगवान गणेशको मनपर्ने वस्तु हो ।

५. काजू बर्फी : काजु बर्फीविना कुनै पनि चाडपर्व अधुरो हुन्छ । यो धेरै लोकप्रिय मिठाई हो । लक्ष्मी पूजामा पनि यो मिठाइ चढाउनु राम्रो मानिन्छ ।