
काठमाडौं, २ कात्तिक । बझाङमा बुधबार जीप दुर्घटना हुँदा ६ जनाको मृत्यु भएको छ ।
बुधबार अपरान्ह ४ बजे मष्टा गाउँपालिकामा जीप दुर्घटना भएको प्रहरीले जानकारी दिएको छ । दुर्घटनामा ८ जना घाइते भएका छन् । नेपाल प्रहरी, नेपाली सेना, सशस्त्र प्रहरी र स्थानीयले घाइतेहरुको उद्वार गरेका छन् ।
घाइते भएका केहीको अवस्था गम्भीर रहेको बताइएको छ । जिप सडकबाट करिब १ सय ५० मिटर तल खसेको छ ।
गाडि क्षतविक्षत अवस्थामा रहेकाले गाडि नम्बरसमेत पत्ता नलागेको प्रहरीले जनाएको छ । जीपमा कति जना सवार थिए भन्ने एकिन भइसकेको छैन ।
दुर्घटनाको कारण खुल्न सकेको छैन ।











प्रतिक्रिया