यो कस्तो गठबन्धन ?

– सत्यराम कासिछ्वा

देशको स्वाधीनता नै खतरामा पार्ने
नागरिकता विधेयक प्रमाणित गर्नैपर्ने
यो कस्तो गठबन्धन ?

केही लाखलाई एकैदिन नागरिकता बाँडेर
देशलाई भारतमा विलय गराउन तयार
यो कस्तो गठबन्धन ?

इतिहासमा कहिल्यै नझुकेको मेरो देश
आज सीमितको स्वार्थमा बेच्न लालायित
यो कस्तो गठबन्धन ?

देश भन्दा नि संविधान र विदेशी सहयोग
सर्वोपरी ठानी विदेशीको सामु शीर झुकाउन तयार
यो कस्तो गठबन्धन ?

देश र जनताको आकांक्षा भावनालाई
कुल्चिएर मिलिजुली समाजको परिभाषा दिने
यो कस्तो गठबन्धन ?

न त सिद्धान्त मिल्छ, न त विचार
एउटै लक्ष्य र उद्देश्य सत्ता र सरकार मात्र चाहिने
यो कस्तो गठबन्धन ?

जनताले स्वीकार गर या नगर
आफैं सर्वेसर्वा भई परमादेश जारी गराउने
यो कस्तो गठबन्धन ?

सूर्यमढी–९, भक्तपुर