काठमाडौं, २५ असोज । सत्ता गठबन्धनको मुख्य दल नेपाली कांग्रेसले आफ्नो पार्टीबाट बागी उम्मेदवारी दिनेहरुलाई पार्टीबाट हटाउने निर्णय गरेको छ ।
निर्वाचन आयोगले दिएको समय सीमाभित्र असोज २६ गतेको १ बजेसम्म फिर्ता नलिए पार्टीबाट स्वतः निष्कासन गरिने चेतावनी कांग्रेसले दिएको छ । ‘तोकिएको समय सीमाभित्र आफ्नो उम्मेदवारी फिर्ता नलिएमा बागी उम्मेदवार र निजको प्रस्तावक र समर्थक पार्टीबाट स्वतः निष्कासित हुने ब्यहोरा निर्णयानुसार जानकारी गराईन्छ,’ कांग्रेसले मंगलबार साँझ जारी गरेको विज्ञप्तिमा उल्लेख छ ।
यसअघि सत्तारुढ चार दलका शीर्ष नेताहरूको बैठकले पनि संयुक्त रूपमा जारी गर्दै निर्वाचन आयोगले दिएको समय सीमाभित्र असोज २६ गतेको १ बजेसम्म फिर्ता नलिए पार्टीबाट निष्कासन गर्ने निर्णय गरेका छन् ।
साथै उनीहरूले सम्बन्धित पार्टी कमिटीहरूलाई बागी उम्मेदवारी फिर्ता गराउन पहल गर्न निर्देशन समेत दिएका छन् । सोही अनुसार विज्ञप्ति जारी गर्दै कांग्रेसले आफ्ना बागी उम्मेदवारहरूलाई चेतावनी दिएको हो ।
हेर्नुहोस् विज्ञप्ति–
प्रतिक्रिया