
काठमाडौं, २२ असोज । नेपाली काँग्रेसका केन्द्रीय सदस्य गोविन्द भट्टराईले काँग्रेस वरिष्ठ नेता रामचन्द्र पौडेलविरुद्ध उम्मेदवारी दिन आफु तयारी अवस्थामा रहेको संकेत गरेका छन् ।
काँग्रेसको समानुपातिक बन्दसूचीमा परेका नेता भट्टराईले तनहुँ क्षेत्र १ का मतदाता समक्ष आफूलाई प्रस्तुत गर्नु नै उत्तम विकल्प रहेको स्पष्ट पारेका छन् ।
सत्ता गठबन्धनबाट काँग्रेसले तनहुँ क्षेत्र १ मा रामचन्द्र पौडेललाई उम्मेदवार बनाउने तयारी गर्दा नेविसंघका पूर्व अध्यक्ष समेत रहेका भट्टराई असन्तुष्टि बनेका हुन् ।
नेता भट्टराईले टिकटको पछि लाग्नु भन्दा स्वतन्त्र उम्मेदवार बन्नु उत्तम विकल्प रहेको बताएका छन् ।
फेसबुकमा लेख्दै भट्टराईले भनेका छन्ः
पार्टीको टिकटको पछि लाग्नुभन्दा तनहुँ क्षेत्र १ का मतदाता समक्ष आफूलाई प्रस्तुत गर्नु नै उत्तम विकल्प हो भन्ने ठानेको छु । यसका लागि सबै साथीहरूलाई तयार रहनु अनुरोध गर्दछु ।

भट्टराईले यसअघि २०७४ मा भएको निर्वाचनमा प्रदेश तर्फको १ को क मा टिकट पाए पनि नेकपा एमालेका उम्मेदवार रामबहादुर गुरुङसँग पराजित भएका थिए ।
भट्टराईको फेसबुक स्टाटसलाई अधिकाशंले समर्थन गरेका छन् । ‘नेतृत्व सङ लम्पसार हुनुभन्दा तपाईं जत्तिको मान्छेले राजनैतिक न्यायको लागि लडाइ गर्न जरुरी छ !’ एक फेसबुक प्रयोग कर्ताले कमेन्टमा लेखेका छन् ।











प्रतिक्रिया