काठमाडौं, ३ असोज । बंगलादेशले पहिलो पटक महिला साफ च्याम्पियनसिपको उपाधि जितेको छ ।
फाइनलमा घरेलु टोली नेपाललाई ३–१ ले पराजित गर्दै बंगलादेशले ऐतिहासिक उपाधि जितेको हो ।
दशरथ रंगशालामा सोमबार घरेलु टोलीलाई स्तब्ध पार्न बंगलादेशकी कृष्णारानी सरकारले २ गोल गरिन ।
सम्सुनाहारले सुरुवाती अग्रता दिलाउँदा नेपालका लागि अनिता बस्नेतको गोल सान्तवना सावित भयो ।
पहिलो हाफमा २-० ले अग्रता लिएको बंगलादेशविरुद्ध नेपालले एक गोल फर्काएपनि गोलरक्षकको कमजोरीको फाइदा उठाउँदै बंगलादेशले पुन: २ गोलको अग्रता लियो ।
थप समयमा गोल हुन नसक्दा बंगलादेशले पहिलो पटक नेपाललाई हराउँदै उपाधि जितेको हो ।
यस हारसँगै नेपाल प्रतियोगितामा दोस्रो भएको छ ।
प्रतिक्रिया
सम्बन्धित
सिफारिस