काठमाडौं, २४ भदौ । श्रीलंकामा जारी साफ यू-१७ फुटबल च्याम्पियनसीपमा नेपालले भारतमाथि शानदार जित हात पारेको छ ।
नेपालले भारतलाई ३-१ गोल अन्तरले पराजित गर्दै समूह बी विजेता समेत बनेको छ । नेपालको जितमा सरोज दर्लामी, उनेश बुढाथोकी र सुवाश बमले समान एक-एक गोल गरे ।
भारतका लागि डानी मेइटेइले एक गोल गरे । भारतका डानीले खेलका २५ औं मिनेटमा गोल गर्दै भारतलाई अग्रता दिलाएका थिए । तर ४५ औं मिनेटमा सरोजले नेपालका लागि गोल गर्दै खेललाई बराबरीमा फर्काए ।
खेलको ४९ औं मिनेटमा उनेशले गोल गरेपछि नेपालले अग्रता बढायो । खेलको ६७ औं मिनेटमा सुवाशले गोल गरे पछि नेपालले ३-१ को शानदार जित हात पार्यो ।
प्रतिक्रिया
सम्बन्धित
सिफारिस