राजेश र वर्षा अभिनित ‘प्रेमको परिभाषा’ सार्वजनिक

काठमाडौं, ९ भदौ । उड्डयन क्षेत्रका सफल व्यवसायी एवम् गायक विकास राणाको स्वरमा ‘प्रेमको परिभाषा’ बोलको म्युजिक भिडियो सार्वजनिक भएको छ ।

प्रेमिल शैलीको गीतमा बीबी थापाको शब्द रहेको छ भने शशीबिक्रम थापाको संगीत रहेको छ । गीतलाई विनोद भुजेलले संगीत संयोजन गरेका हुन् ।

म्युजिक भिडियोमा महानायक राजेश हमाल र नायिका वर्षा राउत फिचर्ड छन् । बुद्ध थापाले छायाँकन गरेको भिडियोलाई विकास धमलाले सम्पादन गरेका हुन् ।

निकेश खड्काको निर्देशनमा भिडियो तयार पारिएको हो । भिडियो गायक राणाको युट्युब च्यानल ‘विकास राणा अफिसिएल’मार्फत सार्वजनिक गरिएको छ ।

यसअघि गायक राणाको स्वरमा समावेश ‘गालाको तिलैमा’, ‘तीनपाने’, ‘मुसुक्कै हास्यौ’, ‘शैलुङ’ बोलको म्युजिक भिडियोहरु सार्वजनिक भइसकेका छन् ।