काठमाडौं, ९ भदौ । गत शनिबार साँझ निधन भएका नेपाली काङ्ग्रेसका नेता एवम् प्रतिनिधिसभा सदस्य प्रदीप गिरिको क्षेत्रबाट सरिता गिरिले उम्मेदवारी घोषणा गरेकी छिन् ।
हिजो बुधबार मात्र सदभावना पार्टी परित्याग गरेकी उनले आगामी प्रतिनिधिसभा निर्वाचनमा सिराह १ बाट चुनाव लड्ने घोषणा गरेकी हुन् ।
नेतृ गिरिले आज बिहीबार बिहान सामाजिक सञ्जालमार्फत चुनाव लड्ने घोषणा गरेकी हुन् । उनले चुनावमा सहयोग लागि सबैसँग आग्रह समेत गरेकी छन् ।
‘म सिराहको १ नम्बर निर्वाचन क्षेत्रबाट सांसद पदका लागि निर्वाचन लड्न गइरहेको छु । यो आधिकारिक घोषणा हो । सबैजनासँग सहयोगका लागि विनम्रतापूर्वक आग्रह गर्दछु,’ उनले लेखेकी छन् ।
हालै दिवंगत भएका कांग्रेस नेता प्रदीप गिरिको आग्रह अनुसार आफूले सदभावना पार्टी परित्याग गरेको समेत उनले बताएकी छिन् । सरिता प्रदीप गिरिकी भाइबुहारी हुन् । उनी दुई वर्षअघि जसपा छाडेर सदभावना प्रवेश गरेकी थिइन् ।
सिराह १ मा २०७४ को निर्वाचनमा नेपाली कांग्रेसबाट प्रदीप गिरि विजयी भएका थिए । ०५६ को निर्वाचनबाहेक सबै निर्वाचनमा प्रदीप गिरी सोही क्षेत्रबाट विजयी हुँदै आएका थिए ।
म सिरहाको १ नं निर्वाचन क्षेत्र बाट सांसद पदका लागि निर्वाचन लड्न गई रहेको छु । यो आधिकारिक घोषणा हो । सबै जना संग सहयोगका लागि विनम्रता पुर्वक आग्रह गर्दछु ।
— sarita giri (@sarita_giri) August 25, 2022
प्रतिक्रिया