महाभियोग सिफारिस समितिले चोलेन्द्र शमशेरसँग भदौ १५ गते बयान लिने

काठमाडौं, ८ भदौ । प्रतिनिधिसभाको महाअभियोग सिफारिस समितिले प्रधानन्यायाधीश चोलेन्द्रशमशेर जबरासँग भदौ १५ गते बयान लिने भएको छ ।

आज बुधबार बसेको समितिको बैठकले जबरामाथि लागेको आरोपमाथि बयान लिन भदौ १५ गते बोलाउने निर्णय गरेको हो ।

त्यसअघि भदौ ९ गतेदेखि १२ गतेसम्म जबराविरुद्धको प्रमाण संकलन गर्ने र त्यसमाथि अध्ययन गर्ने बताइएको छ ।