नागरिकता विधेयक हुबहु पास हुनु दुर्भाग्यपूर्ण र राष्ट्रघात हो : कमल थापा

काठमाडौं, २ भदौ । राप्रपा नेपालका अध्यक्ष कमल थापाले नागरिकता विधेयक हुबहु पास हुनु मुलुकका लागि दुर्भाग्यपूर्ण भएको बताएका छन् ।

यसअघि राष्ट्रपति विद्यादेवी भण्डारीले उक्त विधेकमाथि पुनर्विचार गर्न भनेर फिर्ता पठाएकोमा आज मतदान प्रक्रियाबाट पुनः पास भएको थियो ।

‘राष्ट्रपतिद्वारा पुनर्विचारका लागि फिर्ता पठाइएको नागरिकता विधेयकमा राष्ट्रपतिद्वारा उठाइएका गम्भीर प्रश्नहरुको उपेक्षा गरेर जस्ताको तस्तै प्रतिनिधिसभाले पारित गर्नु दुर्भाग्यपूर्ण छ,’ थापाले भनेका छन्, ‘विवाह गरेर ल्याएको भोलिपल्ट नागरिकता दिन सकिने व्यवस्था कायम गरेर सत्ता गठबन्धनले राष्ट्रघात गरेको छ ।’