मंसिर ४ गते संघ र प्रदेशको चुनाव गर्ने सरकारको निर्णय

काठमाडौं, १९ साउन । सरकारले आगामी मंसिर ४ गते एकै चरणमा प्रतिनिधि सभा र प्रदेश सभाको चुनाव गर्ने निर्णय गरेको छ ।

आज बिहीबार बसेको मन्त्रिपरिषद् बैठकले यस्तो निर्णय गरेको स्रोतको भनाइ छ ।

यसअघि निर्वाचन आयोगले  मंसिर पहिलो साता चुनाव गर्न सकिने सुझाव सरकारलाई दिँदै आएको थियो । निर्वाचन आयोगसँगको परामर्शमा सरकारले निर्वाचनको मिति घोषणा गर्ने संवैधानिक व्यवस्था छ ।