बाजुरा, २५ असार । बाजुराको बुढीगङ्गा नगरपालिकाको तीन वटा वडामा नेकपा (एमाले)का उम्मेदवार विजयी भएका छन् ।
शनिबार विहानको मतगणनामा ९ नम्बर वडामा पनि एमाले निर्वाचित भएको हो । यसअघि एमाले १ र १० नम्बरमा वडा अध्यक्ष जितिसकेको छ ।
बुढीगंगा नगरपालिका वडा नं ९ मा दुई गुणा मतान्तरले एमाले उम्मेदवार विजयी भएका छन् ।
एमालेका मीनबहादुर सिंहले गठबन्धनका भरतबहादुर थापालाई फराकिलो मतान्तरसहित पराजित गरेका हुन् ।
गठबन्धनबार नेकपा एकीकृत समाजवादीका उम्मेदवार थापाले २९३ मत ल्याउँदा सिंह ४९२ मतसहित विजयी भएका हुन् ।
यसअघि वडा नम्बर १ र १० मा पनि एमाले उम्मेदवार विजयी भइसकेका छन् ।
त्यस्तै, मेयर र उपमेयरमा पनि एमालेकै उम्मेदवारहरुको अग्रता रहेको छ ।
हालसम्म ३,६४८ मत गणना हुँदा एमालेका मेयर उम्मेदवार रामबहादुर बानियाँले २,१९६ मतसहित अगाडि छन् भने नेपाली कांग्रेसका मेयर उम्मेदवार रंगबहादुर खातीले १,२३९ मत ल्याएका छन् ।
त्यस्तै, उपमेयरमा एमालेकी मायाकुमारी खड्का कुवँरले २,१७२ मतले अघि छन् भने कांग्रेसकी उपमेयर रीता शाहीले १,२६२ मत पाएकी छन् ।
मेयर र उपमेयरमा क्रमशः ९५७ र ९१० मतले एमालेका उम्मेदवार अघि छन् ।
प्रतिक्रिया