बाजुराको बुढीगंगामा बिहीबार पुनः मतदान हुँदै, सुरक्षा व्यवस्था कडा

काठमाडौँ, २२ असार । बाजुराको बुढीगंगा नगरपलिकामा बिहीबार पुनः मतदान हुने भएको छ ।

निर्वाचन भयरहित वातावरणमा सम्पन्न गर्न सुरक्षा व्यवस्थामा कडाइ गरिएको स्थानीय प्रशासनले जनाएको छ ।

गत वैशाख ३० गते भएको निर्वाचनमा नेपाली कांग्रेस र नेकपा एमालेबीच मतदानमा धाँधली भएको भन्दै विवाद भएपछि मतदान नै स्थगित गरिएको थियो ।

निर्वाचन आयोगले गरेको स्थलगत अध्ययनले पुनःनिर्वाचन गर्ने निष्कर्ष निकालेको थियो ।