मंगलबार, ३१ साउन २०७९
DainikNepal.com
मंगलबार, ३१ साउन २०७९

वर्षाका कारण झापामा दुई वटा सीमास्तम्भ डुबान, २७७ घरपरिवार प्रभावित

दैनिक नेपाल २०७९ असार १५ गते ७:५७

फाइल फोटो

झापा, १५ असार । झापामा सोमबार रातिदेखि आएको अविरल वर्षाका कारण २७७ घरपरिवार प्रभावित भएका छन् ।

वर्षाले जिल्लाका विभिन्न स्थानमा भएको डुबान तथा नदी–खोलामा आएको बाढी गाउँबस्ती पस्दा उनीहरु प्रभावित भएको जिल्ला प्रहरी कार्यालय झापाले जनाएको छ ।

गौरीगञ्ज, शिवसताक्षी, गौरादह, बाह्रदशी, बिर्तामोड, झापा, कचनकवल, भद्रपुर, कमल, दमकलगायतका स्थानमा बढी क्षति भएको जिल्ला प्रहरी कार्यालय झापाले आज सार्वजनिक गरेको क्षति विवरणमा उल्लेख छ ।

कचनकवल गाउँपालिका–१ स्थित पिण्डलबारीमा बिरिङ खोलामा आएको बाढीले सो स्थानमा रहेको नेपाल–भारत सीमास्तम्भ ९पिलर नं २८, २९० डुबान भई नदेखिने भएको कार्यालयले जनाएको छ ।

जिल्लाका विभिन्न स्थानमा घर तथा पसलहरूमा पानी पसेको छ । जसका कारण चामल, दाललगायतका खाद्य सामग्री नष्ट भएको कार्यालयले जनाएको छ ।

प्रतिक्रिया
सम्बन्धित