चर्को मूल्य वृद्धिविरुद्ध युवा संघको राँके जुलुस

काठमाडौँ, ९ असार । नेकपा एमाले निकट युवा संघ नेपालले सरकारले अस्वभाविक रुपमा बढाएको पेट्रोलियम पदार्थको मुल्य वृद्धिविरुद्ध राँके जुलुस निकालेको छ ।

संघले नयाँ बानेश्वरस्थित एभरेस्ट होटल अगाडिबाट राँके जुलुस सुरु गरी माइतिघरलगायत क्षेत्र परिक्रमा गरेको छ ।

जुलुसका क्रममा सरकारी गाडीमा समेत तोडफोड भएको छ ।

नेपाल आयल निगमले यसै साता प्रति लिटर पेट्रोलमा २१ रुपैयाँ मुल्य बढाएको थियो । डिजेलमा पनि प्रति लिटर २७ रुपैयाँ बढाइएको छ ।

त्यस्तै, दैनिक उपभोग्य खाद्यन्नमा पनि सरकार र अर्थमन्त्रीकै सेटिङमा मूल्य वृद्धि गरेको भन्दै देशभर प्रदर्शन गर्ने संघले जनाएको छ ।