अछाम किशोर मृत्यु प्रकरणमा अझै भएन जाहेरी दर्ता

अछाम, २५ जेठ । अछामको पञ्चदेवल विनायक नगरपालिका–४ स्थित कालिकास्थानमा मृत भेटिएका १७ वर्षीय किशोरको मृत्यु प्रकरणमा दिइएको जाहेरी दर्ता नभएको भेटिएको छ ।

पीडित परिवारले किशोरको मृत्यु प्रकरणमा पञ्चदेवल विनायक नगरपालिकाकी मेयर अम्बिका चलाउनेसहितका १३ जनाविरुद्ध दिएको जाहेरी दर्ता अझै दर्ता नभएको पाइएको छ ।

यद्यपि वुधबार प्रहरीले शंकास्पद ५ जनालाई पक्राउ गरेको छ ।

यससँगै स्थानीय शव उठाउन स्थानीय सहमत भएका छन् । कक्षा १० मा अध्ययनरत बिनोद शाही जेठ २१ मा मृत फेला परेका थिए ।

शवको पोष्टमार्टमका लागि लगिएको छ । केन्द्रिय अनुसन्धान ब्यूरोको टोलीले शंकास्पद ५ जनालाई पक्राउ गरेको हो ।

पक्राउ पर्नेमा सुरत शाही, देवेन्द्र शाही, रामबहादुर शाही, मिलन शाही र महेन्द्र शाही छन् ।

पञ्चदेवल विनायक नगरपालिका–४ स्थित कालिकास्थान स्थित मध्यपहाडी लोकमार्गबाट १ किमी तल जंगलमा बिनोद मृत फेला परेका थिए ।

मृतक एमाले परिवारका हुन् । निर्वाचन ताका कांग्रेस र एमालेका कार्यकर्ताहरुबीच विवाद भएको भन्दै परिवारले कांग्रेस कार्यकर्ताको संलग्नतामा बिनोदको घटना भएको आरोप लगाउँदै १३ जनाविरुद्ध किटानी जाहेरी दिएका हुन् ।