आईजीपी सिंहद्वारा एआईजी विश्वराज पोखरेलको विदा अस्वीकृत

काठमाडौँ, २५ जेठ । नेपाल प्रहरी महानिरीक्षक (आईजीपी) धीरजप्रताप सिंहले एआईजी विश्वराज पोखरेलको बिदा अस्वीकृत गरेका छन् ।

यसअघि लिएको एक महिनाको विदा अवधि सकिएपछि पोखरेलले पुनः विदा थप गर्न निवेदन दिएका थिए ।

तर आईजीपी सिंहले पोखरेलको अपील अस्वीकार गरेका हुन् । सम्बन्धितले बिदा माग्नुपर्ने नियमअनुसार सिंहले पोखरेलको बिदा अस्वीकृत गरेर घर ठेगानामा जानकारी गराउन निर्देशन दिएका छन् ।

आईजीपीका दावेदार पोखरेल सरकारले सिंहलाई आईजीपी बनाएपछि विदामा थिए ।

मानव स्रोत विभागबाट प्रदेश समन्वय विभागमा सरुवा भएका पोखरेललाई मनसुनको मौसममा बिदा दिनु पनि अनुपयुक्त हुने आईजीपी सिंहको निष्कर्ष छ ।

सर्वोच्च अदालतमा आईजीपी नियुक्ति प्रकरणमा विश्वराजको मुद्दा विचाराधीन रहेको छ ।