कांग्रेसलाई ठेगान लगाउने प्रचण्डको चेतावनी

काठमाडौँ, १८ जेठ । नकेपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाली कांग्रेसलाई पनि ठेगान लगाइदिने चेतावनी दिएका छन् ।

उनले कांग्रेसले अहंकार बढाएको खण्डमा ठेगान लगाइदिने चेतावनी दिएका हुन् ।

वुधबार माओवादीबाट निर्वाचित २४९ जना प्रतिनिधिहरूलाई काठमाडौँमा प्रशिक्षण दिने क्रममा अध्यक्ष प्रचण्डले यस्तो चेतावनी दिएका हुन् ।

‘कांग्रेसले दम्भ देखायो भने ठेगान लगाइदिन्छौँ । अहंकार र दम्भले कसैलाई राम्रो गर्दैन ख्याल गरे हुन्छ । कांग्रेस अहंकारी हुने हो कि भनेर देशभरबाट हामीलाई रिपोर्ट आइरहेको छ । हामी त क्रान्तिकारी हौँ । अहंकार र दम्भ आयो भने हामी कांग्रेसलाई पनि ठोक्दै जान्छौँ, ठेगान लगाई दिन्छौं,’ अध्यक्ष प्रचण्डले भने ।